Учора ў Раённым цэнтры культуры прайшла чарговая нарада працаўнікоў клубных устаноў Капыльскага раёна. На ёй быў абмеркаваны шэраг істотных пытанняў, а таксама быў праведзены семінар-практыкум "Таму, хто ладзіць дыскатэку". Працаўнікі культуры былі азнаёмлены з апошнімі тэндэнцыямі ў дыскатэчным руху Мінскай вобласці. Дзякуючы Абласному метадычнаму цэнтру, быў падрыхтаваны міні-фільм.

Вельмі гарачым было абмеркаванне такіх пытанняў як выкананне планаў платных паслуг і набыццё квіткоў на канцэрт арт-гурта "Беларусы". Але напал спаў, калі пачалося віншаванне з юбілеем Уладзіміра Дрожжы. Шмат цёплых слоў, добрыя любімыя песні, радасныя успаміны з'ядналі ўсіх.